CCF Mission Filed hi Basundhra,Etah district ah a ummi a si.Etah
district hi Uttar Pradesh (UP) state a ummi a si. Etah district ah a ummi minung dihlak hi 1761152
(as per Census 2011) an si.Etah a chah hi 724 square Km a si. Etah district hi
UP state district 71 chungah a ummi a si i India district a dihlak fonh ah
district 640 a um i mah ahcun cawnnak
(Education) thazaang der leiah district
272 chungah ai telmi a si. Nu cathiam lo carel kho lo hi 83.21% an si, pa hi 61.72%
an si. Etah district nu hi 863 khan an si minung pakhat caah pa hi thong khat
lawng an si. India ram cathiam lo carel kho lo an tamcemnak cu Madhya Pradesh a
si.
CCF missionary khualtlawn voi
khatnak cu
02/02/2014 ah Pastor Sui Dun le kan pale pahnih tiin mission field zoh ah an
kal. Kan pale nih mission field an va zohmi cu an lungsi tuk i a umte an um kho
lo. Zumtu hna an hmuh hna tikah thetse ramcar i Tuu tlau bang khaltu ngei loin
a vakvaimi ko khi an lo an tiah kan pale a kalmi a kan chimh. An retheihmi zong
an philh dih an va hmuh hna tikah khan tuan colh khi an duh. Hmun hnih an van
zoh nain hmun khatnak nih khan an thinlung a khoih tuk hna i a hmun hnihnak kha
an lungchungah a um kho hrim ti lo. Inn phak zohzoh i Meeting tuah i biachahnak
tuah zohzok an thingchung chungah mei al in al a si lai cu Inn an phan hlan pak
in phone van ka chawm i thaizing ah meeting kan ngei hna lai ti si ko. Ka lau
pah nawn, zia.. atuhi zeidah kan ton hoi cang ti phun khin khua a ka ruahter. A
thai zan ah meeting cu kan van thu hna i pakhat hnu pakhat in mission field an
zohnak cu report an pek. Mission field va hmuh konglam cu a van chim cang ahcun
anmah khi lawmhnak in an khat i an chim deuhdeuh a bia thawh deuhdeuh ve a chim
tehi an chim kho lo. Kan chairman Pu Sang Vung Lian nih cun “ka zoh hna
hrimhrim ahhin keimah le ka chungkhar hmanh nih
tuan ka duh/ngam’’ tiah
lungtling ngai khin a vun kan chimh. Kan lau viar ko pakhat le pakhat kan i zoh
kan lu kan i khun khua kan ruat. Kan vice-chairman nih a vun peh colh ve i a
biachim ka zohah a hnarno te khi a tam hlah maw ti khin, a chim kho lo ngai
khin a vun chim “minung ka zoh hna ah Pathian an duhning le Pathian an
thangthat ning ka hmuh hna ah kanmah CCF Pathian kan thangtha` ning he cun van
le vawlei pak in ai dang, Pathian an duhning ka hmuh tikah champak ko khi an
lo” tiah lunghno ngai in a van kan chimh. Kan pale mission field an zohnak kong
akan chim ahcun kan thut siam a rem tilo.Sau nawn te kan ceih hnuah mission
field kong cu confirmed nak kan ngei. Mission filed thlacamnak puai zong tuah
seh tiah hnatlanak kan ngei chih. Cu hnatlanak kan ngei bantuk tein....
CCF missionary khualtawnnak voi
hnihnak cu
21/02/2014 nizan ah kan pale he ka va kal than. Kanmah leiin minung paruk kan
si. Rev. Dr. Seth Masih te leiin minung paruk an si ve. Kan zate in
minug12 kan si. Atutan cu CCF Mission
Secretary zong nih a telpi khawh hna. Zinglei nazi pali le a cheu in C1 Bus
Stand in kan i thawk. Kan mission field cu chun nazi 11 hrawng ka van phan.
Thlam (Tent) zong dawh taktak in rak sak/tuah. Zumtu pawl nih lunglawm thanuam
tein an rak kan don. Kan phak le cang kain lakphak`i le chenreu reumi phunphun
akan kan dangh. Chuncaw meh ah vok sum 4 hrawng a si lai tiah ka zumh a sa an
canmi ka zoh tikah. Lakphak kan din dih in pawngkam hrawng hna kan in chok. Pu
Kung cu video zeih le hmanthlak thlak ah a za khim ko cang. An inn le an lo an
thutdo ning hna ka va hmuh hna tikah zaangfak ngaingai cu an rak si tak ko. Kan
mission field umnak hi Bansundra(Etah) District ah ummi a si.Khuate ngaite an
si innsak ning zong hi tlakraw chonmi a si,cemen le blame zongt ai tello. Voi
khat van lam ahcun a cim viar ding khi a si. Saya sui nih bia pakhat a ka hal “
Saya Ceu Zeindah na hmuh ning a si kan mission field cu tiah a ka hal. A leh
awk te khi ka theih lo, ka lehmi cu “ka zoh hna ah khuaruah tam ngaite khi an
si ko” tiah ka leh. Ka lungchungah chuahmi cu “ Masidonia leiah hin ra law kan
bawm u” timi aw hna khi ka hna thlam ah a vung cuang. Masidonia mission call
pak a si ko tiah ka lungchung cun ka ruah colh ve. Kan pale nih an konglam akan
chimi kha hna theihnak lawngin si ti loin mithmuh kuttong pah in ka hmuh ve hna
tikah ka thut sia a rem pak ve tilo. Kan pale nih an konglam an rak chim khawh
lomi hi an mawh hrimhrim lo hite ka ti. Chun nazi 12 le a cheu a tling cang i
pumhnak service cu kan thok.
Pathian
an thangtha` ning kha Pu Kung nih a kan chimmi te kha ahman hrimhrim ko. Lawmhnak
thlam ka lungchung ah aum timi hla khi amah nunnak ah a lang. A kam le pa Ceu
nih “ Bawipa na min kan cawisan”
timi hla in solo an sakpiak hna. Kan pastor Saya Sui nih “ Pathian cu Dawtnak a si” timi tlangtar in Pathian bia
akan chimh. Pumh dih in rawl kan ei, tam lak te kan ei hna. Aa kam cu tam tuk
ka ei i ka chung hna aka hrawk te sual hnga maw tiah a ceih len. Nazi a cheu
hrawng kan din.Cun,zanglei nazi pa hnih hrawng in kan vun i thawh than. Bawipa
atha i ka va phak ka ah nikhua a chia ngai i ka lung zong atha lo nain fakpi
cun a sur lo kan tlung lei Lampi tuah ruahpi nih fak ngaiin akan surh. Rev. Dr.
Seth Masih a chuahnak khuate zong kan van palpah. Nazi a cheu kan idin
lakphakti din tinak le thlacamnak kan ngei piak hna. Cun, kan van thawh than i
zan nazi 11 ah kan inn cio teah dam tein kan phak. Bawipa nih kan khualtlawmnak
ah hlawhtlinnak akan pek caah Pathian min kan thangtha`. Amen!
Note: CCF Mission Field ah an herhbaumi tete hna:
01. Pher ( mat)
02. Khuang
03. Hla Cauk
04. Bible
Hihi atu lioah an herhbau cemmi
cu a si. CCF Khrihfabu zong nih kan hnakkar teah tenh cio dingin kan in sawm
hna.
Lawmnak tampi he,
No comments:
Post a Comment