Laimi Khrihfa Thawhkehnak

Erik H. & Emily J. East

Erik H. & Emily J. East

Erik H. East cu February 2, 1866 ni ah Sweden ram ah a chuak.  1885 kum ah an chungkhar in USA ah an peem.  1901 kum ah Southern Baptist Theological Seminary, Louisville, Kentucky in a cacawn a liim.  Hi kum ah Medical School of the University of Kentucky in sii lei doctor degree a hmu.  June 3, 1901 ni ah American Baptist Missionary Union nih Kawlram ah missionary thlah ding ah an thim.  Marh 21, 1902 ni ah Hakha khua a rak phan.  A dam lo caah USA ah June 3, 1902 ni ah kal tthan.  Hi lio ah Emily Johnson he August 5, 1903 ni ah an i tthi.   December 28, 1903 ni ah an nuva in Hakha khua an rak phan tthan.  May 11, 1905 ni ah Chinmi lakah zumtu hmasabik Pau Suan le Thuam Hang le an nupi le hna kha tipilnak a pek hna.  Sii lei a thiam caah Tidim, Falam le Hakha peng chungah a rianttuannak cu a hlawh tling ngai.  1907 kum ah Hakha khua ah sii-inn a sak.  A nupi Mrs. East le an fa le pathum cu an dam lo caah 1908 kum ah USA ah an kir tthan.  A innchung le um lo in, amah te long in rian a ttuan i Hakha le Thantlang peng vialte kha a rak cul dih.  Lungzawtnak a ngeih caah October 1910 ah USA lei ah a tlung ve.  An chungkhar dam lo ruangah Lairam ah an kir tthan kho ti lo.  Dr. East cu

James Cakuat

James Cakuat

Pu Ceu Lian Thang

Cauk Tialtu

Cang khatnak nih a kan hngalhter mi cu, Pathian le Bawipa  Jesuh Khrih sal simi Jeim. Hi cakuat nih a kan hngalhter mi cu Jesuh nau Jeim nih cakuat `ialtu a sinak kha a vun fianter. Jesuh a chuah hnuah Joseph le Mary nih hngakchia a dang an ngeih hna. Matthew nih a chimmi cu “ Fa a hrin hlantiang, nu le va an si lo”. (Matt. 1:25). Cun, Luke nih a kong chimnak le piang tein  a chimmi cu Jesuh cu Mary fater a sinak kha a chim.(Luke 2:6-7). Khi hngakchia vialte hi a unau le cu an si. (Matt. 12:46-47; Mark 3:31-35; Luke 8:19-21; John 2:12). Matthew 13:55  le Mark 6:3). Jesuh unaule James, Joseph (Joses), Simon, and Judas. Paul nih piang tein chimmi cu " Kan Bawipa Nau Jeim" (Gal. 1:19). Mark nih chimhmi cu  Jesuh far/nu, nain an min a langhter lo.Matthew le Mark nih cun James cu Jesuh nau upa deuh a sinak kha a chim. A hmasa ahcun Unau le nih an zum lo, Jesuh kha a doh in an rak doh lehlam. Judah mi Deu Puai kha nai a naule nih Jesuh cu," Judea ah va kal law na zultu hna nih na thil tuahmi cu rak hmuh hna seh tiah an ti." A naule hmanh nih khan an zum lo. (John 7:2-5)

Jesuh nih an zum lonak kha ngaihchia ngai hi ti hin ati, " Profet hi amah a chuahkehnak

Nehemiah Kutka Remhnak Pahra(3:1-32)

Nehemiah Kutka Remhnak Pahra(3:1-32)

        Mr. Ceu Lian Thang (CCF Mission Secretary)

 

Biahmaithi

Nehemiah cauk hi saltannak chungin a luatmi Judah mi salchuak mi hna le a nung rihmi  hna cu harnak nganpi chung le ningzahnak chungah an um; Jerusalem khulhnak vampang hna cu an cim dih i a kutka hna cu mei nih a hrawh dih hna(1:3). Mah thawngpang cu a theih tikah saupi ngaichiah in a um Pathian hmaiah rawl ul le thlacam lengmang mipa a si(1:4).

Nehemiah cu Artazaksis Siangpahrang pa nih a thlahmi a si(2:1-9).Nehemiah hruainak in Jerusalem khua kulhnak vampang kha an remh(2:17-18). Nehemiah nih Jerusalem khua kulhnak vampang an remh lioah nisawhnak le serhsatnak tampi a tong(2:19-20).

Nehemiah min sullam cu ( “Bawipa Hnemh”) tinak a si. Judah miphun pawl hi Jerusalem ah kum 90 an rak um cang. Minung tampi cu Babylon le Persia an tang rih. Judah miphun chung Persia ah a ummi Nehemiah hi minthangmi Siangpahrang hrai putu a si(1:11). Nehemiah cauk hi Lantin Bible Vulgate nih cun “Second Ezra.”  cauk tiah a min a sak. Nain Ezra cauk le Nehemiah cauk hi kan Bible cauk chung ahcun an `hen. Nehemiah cauk hi 445 B.C or 400 B.C hrawng ah `ialmi a si.

 Nehemiah Kutka pahra nih hin Khrihfa nunnak ah sullam a ngei takmi aa dawhmi hmanthlak a si. Cu Kutka pahra hna cu pakhat hnu pakhat in vun fianter lai.

01.  The Sheep Gate ( Tuu Kutka) (3:1-2) Tuu Kutka hi tlangbawi ngan Elsishib le a unau tlangbawi hna nih khan an remh. Hi Kutka ahhin Tuu kha an rak put i biakttheng cungah  raithawinak an tuah.(1Cor.5:7). Hi Tuu Kuta nih a langhter mi cu Pathian Tuufa vailamtahnak cung i a thih mi Jesuh Khrih kha a si( Jn1:29b). Vailamtahnak cung i khenhchihmi Jesuh Khrih  thisen thawngin nangmah le keimah tlanh/ khamh kan si( Col.2:14). Jesuh nih Tuukhal `ha cu keimah hi ka si. Tuukhal `ha nih cun a tuu hna caah a nunnak kha a pek sian(Jn;10:7-17). Kanmah tein ai khamh khomi kan si lo caah

CCF Missionary Khualtlawnnak

 CCF Mission Filed hi Basundhra,Etah district ah a ummi a si.Etah district hi Uttar Pradesh (UP) state a ummi a si.  Etah district ah a ummi minung dihlak hi 1761152 (as per Census 2011) an si.Etah a chah hi 724 square Km a si. Etah district hi UP state district 71 chungah a ummi a si i India district a dihlak fonh ah district 640 a um i mah ahcun  cawnnak (Education) thazaang der  leiah district 272 chungah ai telmi a si. Nu cathiam lo carel kho lo hi 83.21% an si, pa hi 61.72% an si. Etah district nu hi 863 khan an si minung pakhat caah pa hi thong khat lawng an si. India ram cathiam lo carel kho lo an tamcemnak cu Madhya Pradesh a si.

CCF missionary khualtlawn voi khatnak cu 02/02/2014 ah Pastor Sui Dun le kan pale pahnih tiin mission field zoh ah an kal. Kan pale nih mission field an va zohmi cu an lungsi tuk i a umte an um kho lo. Zumtu hna an hmuh hna tikah thetse ramcar i Tuu tlau bang khaltu ngei loin a vakvaimi ko khi an lo an tiah kan pale a kalmi a kan chimh. An retheihmi zong an philh dih an va hmuh hna tikah khan tuan colh khi an duh. Hmun hnih an van zoh nain hmun khatnak nih khan an thinlung a khoih tuk hna i a hmun hnihnak kha an lungchungah a um kho hrim ti lo. Inn phak zohzoh i Meeting tuah i biachahnak tuah zohzok an thingchung chungah mei al in al a si lai cu Inn an phan hlan pak in phone van ka chawm i thaizing ah meeting kan ngei hna lai ti si ko. Ka lau pah nawn, zia.. atuhi zeidah kan ton hoi cang ti phun khin khua a ka ruahter. A thai zan ah meeting cu kan van thu hna i pakhat hnu pakhat in mission field an zohnak cu report an pek. Mission field va hmuh konglam cu a van chim cang ahcun anmah khi lawmhnak in an khat i an chim deuhdeuh a bia thawh deuhdeuh ve a chim tehi an chim kho lo. Kan chairman Pu Sang Vung Lian nih cun “ka zoh hna hrimhrim ahhin keimah le ka chungkhar hmanh nih

Chin Pa Vaipa Nih Fak Ngai In A Vuak

New Delhi, Global Chin News : February 23, 2014, zanlei sang suimilam 4:00PM hrawngah Pu Mang Lian Uk cu a umnak innpa vai pawl nih fak ngai in an vuak.

 

Vai Kut A Tongmi Pu Mang Lian Uk

“Pumh in ka rak ttin ah kan gate (kutka) hram i aa hrengmi Uico pathum nih an ka baoh i seh an ka timh, inn chung ah ka lut i, rian kal kaa thawh ah kan gate hram cun an ka baoh i leng chuak kho loin an ka hren, ka thin a hung tuk ve i, pakhat cu lung in a lungbik ah ka cheh i, a lu a kuai, a ngeitu a ra i, tanbo in ka lubik ah a ka tuk” tiah fahtuar Mang Lian Uk nih Globalchinnews sin ah a chim.

Vai pawl nih anmah inn hmai ah hren loin kan inn hmai ah atu a ka baohtu uico pathum hi an kan hren hnawh tawn. Baoh a hmang ngaingaimi an si.

Delhi Chin Miphun Kan Dirhmun

Delhi Chin Miphun Kan Dirhmun

By: Zung Lian Thang

Kawlram cu tlangcungmi caah nuhrin covo rialdipnak, biaknak zeirellonak le a phunphun nehsawh thlanglamhnak a tamtuk tikah India khualipi New Delhi ah ralzaam dirhmun in khua kan sa hna. Delhi ah a ummi Chin ralzaam hna hi thlawnglatu (media) kip le ralzam (refugee) latu kip hna nih cun India a cozah sin in an himbawm tuk i, khuasak tuntuknak le fimcawnnak lei zongah a zohkhenh khawh tuk hna tiah an ti, timi thawng hi kan mifim carel mi hna sinin thawng theih lengmang a si. A cozah le police sin cun kan him ngai takmi te khi a lo nain kawl a cozah kut tang nakin kan him lo deuh. India a cozah in cun kan himlonak hma hi leng ah a langh lo caah i runven a har i, kawl a cozah sin in cun kan him lonak hi lengah a hma a langh cawlh tikah i runven awk a fawi caah kan himbawm deuhnak cu a si.
 

Ngandamnak (Health Care): Ngandamnak he pehtlai in UNHCR riantuan hawi a rak simi YMCA nih an kan bultawl tak ko. A mah belte cu zeibantuk in dah an kan bultawl ti hi mi zapi zong nih a thluamthlam tel cu kan theih pah dih lai ka zumh. DDU ah an kan kalter. DDU ahcun damnak taktak in an kan thlawpbul lo. Damnak dingin thlawpbul a haumi tiang kan phanh ahcun a lengah si an kan cawkter. Cun, a herh lomi ah Operation an kan tuah. Cawnnak ah an kan hman. Cawnnak dingah an kan hman cu mithi ruak he kan i khah lonak pelte hmanh a um lo. Chin Refugee nih emergency kan ton zongah zei ah an kan rel piak lo i an kan zoh zok lo ruangah a thi lo dingmi a thi an tam cang. Sibawi chuak ka nih cawnnak ah an kan hman. Minung si man kan ngei ti lo. Refugee minung hi an saram nak hmanh khin zeiah an kan rel piak lo. Refugee dirhmun kan si tikah DDU lo cun a dang fuh panh awk a tha fawn lo. Kannih chinmi cu tlangcung ummi kan si bantukin kan riantuan a hrang. Ram tangah riantuanmi kan si tikah fikfa he aa buahcehmi kan si.

CCCF, NEW DELHI Dirh A Si Cang

Chin Christian Churches Fellowship (CCCF)

Delhi ah a ummi Khrihfabu paruk komh in "Chin Christian Churches Fellowship (CCCF)" tiah min bunh dirh a si cang.

CCCF chungah a ummi Khrihfabu hna cu:

1. Chin Christian Fellowship (CCF)

2. Lai Christian Church (LCC)

3. United Penticostal Church (UPC)

4. Chin Believers Church (CBC)

5. Zophei Christian Fellowship (ZPCF)

6. Delhi Chin Baptist Church (DCBC)

Hi bu dirhnak a ruang cu Delhi ummi ralzam (refugees) hna hi karh lei si ti loin zor lei kan panh chin lengmang caah Khrihfabu pakhat a rianttuannak ah zaangdam in a ttuan khawh nakhnga caah tiin dirhmi a si. Khrihfabu pakhat le pakhat hmunkhat te thil lianngan deuh tuah khawh nakhnga ca zong a si. Hmailei caan le bang ahcun Chinmi Khrihfabu hi hi CCCF nih funtom te seh ti saduhthahnak in dirhmi a si. Tinhmi tampi ngei in a dirmi bu a si.

2014 Kum chung Hruaitu hna cu: